MPTA Chanchin

A tobul
   
Kum 1946 ah Primary Teachers’ Association tiin din a ni a. Kum 1993 khan Mizoram Primary Teachers’ Association  tia thlak a ni.
Kan Dan Bu hi Kum  1993,1997,2005 leh 2010 ah te Councillor Meeting rem tihnain siamthat  ngai laite siamthat thin a ni.

A dinchhan leh a thiltum

  1. Mizoram zirna a lo that zawk theihna tura ngaihtuah leh thawh.
  2. Zirtirtute zinga inhriattawnna a awm theih nan.
  3. Zirtirtute tangho a, inhmangaih leh lungrual taka thawhho theih nan.
  4. Mizoram zirna lam ngaihtuahtute tanpui leh thurawn tha pek.
  5. Englaipawh a Mizoram Primary School Zirtirtute zawng zawng aiawha thu sawi thin turin.
  6. Sawrkar danin a phal ang chin zela Zirtirtute hamthatna ngaihtuah.

Pawl nihphung
   
Non-Political Association a ni a, Political Party reng rengah a inhnamhnawih tur a ni lo.

Chhinchhiahna (Emblem): Rinbial chhunga lehkhabu inkeulai chhungah Mizoram Map a awm a, chu chu Mizoram Primary Teachers’ Association tih ziakin a kualkhung a ni. Hei hian Mizoram Primary Teachers’ Association thiltum a entir.

MPTA Flag : Rawng chi khat, a pawdal (light grey) a ni. A lai takah Mizoram Primary Teachers’Association chhinchhiahna (Emblem) a awm. Flag chu hetiang hian siam theih a ni. 4’x 3’, 3’x2’, 2x18’ size te a siam theih a ni. MPTA Function pawimawh ah leh MPTA hminga zin chhuahna hmunah Flag hi hman thin tur a ni.
    
General Hqrs.: Mizoram pum khaikhawm turin pakhat Mizoram khawpui ber Aizawl ah a awm.

Joint Hqrs. : Councillor Session in tul a tihna hmunah a din thei a, a hmingah District Capital hming a pu zel a ni. District capital hmun chu Jt.Hqrs hmun a ni nghal a,tunah dinhmunah hian Lunglei ah  chauh Jt.Hqrs kan nei.

Sub-Hqrs : Sub-Divisional Education Officer awmna bialah Councillor Session in tul a tih chuan Sub-Hqrs a din thei a. SDEO thuthmun apiang Sub-Hqrs hmun a ni. Division hming a pu zel thin.

Branch : Mizoram Primary School Zirtirtute Branch din tham awmna  hmunah chuan Branch an din  thei a. Branch din tharte chuan anmahni Sub/Jt Hqrs ah Branch an din thu an report thin a ni.

AIPTF zawm thu

MPTA chuan zau zawka hma a lak zel theih nan All India Primary Teachers’ Federation(AIPTF) chu  ni 18.7.1975 ah a zawm a. Kum tin Affiliation Fee pawh MPTA Gen.Hqrs sum atangin a pe thin. Committee leh Seminar ah pawh a theih ang angin a tel a, a tul dan ang zel aiawh neiin MPTA chuan hma a la ang thin. Hmalakna  langsar tak pakhat chu Education International bul tumin AIPTF kaltlangin Asia Pacific Regional Conference vawi 5-na Jakarta, Indonesia leh vawi 6na Bangkok Thailand-ah tel ve a ni a. MPTA Member kan nihna anga kan telna hmasa ber a ni.

Member nih dan

Mizoram chhunga Recognised Primary School-a Zirtirtu thawk lai zawng zawng Mizoram Primary Teachers Association thiltum leh inkaihhruaina anga awm inhuam apiang te chu Membership fee pein member an ni thei a. Annual Fund hi kumtin pek a ngai. Member ni thar tur ten Rs 10/-pein member a nih thei a, Annual Fund a pek nghal a ngai bawk.MPTA member tupawh hmun dangah insawn sela,an Branch-in anmahni Joint/Sub-Hqrs ah an hriattir tur a ni. Hmun danga Fund a lo pek tawh chuan pek nawn a ngai lo.

Member thi, Pension leh Award dawngte

Member thi an awmin an fund pek dan endik anih hnuah Pawl hminga ral tur ani ang. Pension an awmin an fund pek dan endik anih hnuah pension thlah theih  a ni. Award dawngte  chawimawi thin tur a ni a, MPTA Gen.Hqrs in a chawimawi dan tur a ngaihtuah thin.

Member atanga ban theihna

Hre reng chunga MPTA Constitution emaw, MPTA kalphung duh lova, thurualpui theih loh mi leh dan bawhchhiate, MPTA chhiatna leh mualpho tur zawnga thil ti thin mite, ziak ngeia banna thehlutte ban theih an ni.

Member insawn

MPTA member tupawh insawn sela, a fund pek dan en dik a nih hnuah fund pek nawn a ngai lovin MPTA a a dinhmun chu a awmna hmasa hruaitu ten chanchin inhriattir tur a ni ang.