Constitution

BUNG I-NA

MPTA TOBUL

 

  1. Pawl hming : Kum 1946 khan Primary Teachers’ Association, tia din a ni a. 1993 atang khan Mizoram Primary Teacher’s Association(MPTA) tia thlak a ni.
  2. Pawl thiltum leh a din chhan :
  1. Mizoram zirna a lo that zawk theihna tura ngaihtuah leh thawh.
  2. Zirtitutte zinga inhriattawnna a awm theih nan.
  3. Zirtirtute tangho a, inhmangaih leh lungrual taka thawhho theih nan.
  4. Mizoram zirna lam ngaihtuahtute tanpui leh thurawn tha pek.
  5. Englaipawha Mizoram Primary School Zirtirtute zawng zawng aizawha thu sawi thin turin.
  6. Sawrkar danin a phal chin ang zela Zirtirtute hamthatna ngaihtuah.
  1. Pawl nihphung : He pawl hi  Non – Political Association a ni ang a, Political Party reng rengah a inhnamhnawih tur a ni lo.]
  2. Chhinchhiahna (Emblem) : Rinbial chhunga lehkhabu inkeu lai chhungah Mizoram Map a awm a, chu chu ‘Mizoram Primary Teachers’ Association’ tih ziakin kualkhung a ni. Hei hian Mizoram Primary Teachers’ Association thiltum a entir a ni.
  3. Puanzar (Flag) : Mizoram Primary Teachers’ Association chuan Puanzar (Flang) a nei a. Chu puanzar chu rawng chi khat, a pawl dan a ni. A lai takah Mizoram Primary Teachers’ Association chhinchhiahna (Emblem) a awm. Puanzar (Flag) chu hetiang hian siam theih a ni : 4’ x 3’, 3’ x 2’, 2’ x 18’

      MPTA Function pawimawh ah leh MPTA hminga zin chhuahna hmunah Flag hi hman thin tur a ni.

 

 

BUNG II-NA

PAWL INDIN DAN

 

  1. General Headquarters : Mizoram pum khaikhawm turin Headquarters pakhat a awm ang a, Mizoram khawpui ber Aizawl-ah a awm anga, ‘General Headquarter’ tih a ni ang.
  2. Joint Headquarters : Councillor Session-in tul a tihna hmunah Jt.Hqrs. a din thei ang a, a hmingah District Capital hming a pu zel ang. District Capital hmun chu Jt.Hqrs. hmun a ni nghal ang.
  3. Sub-Headquarters : Sub-Divisional Education Officer awmna bialah Councillor Session-in tul a tih chuan Sub-Headquarters a din thei ang. SDEO thuthmun apiang Sub-Hqrs. Hmun a ni ang a, Division hming a pu zel ang.
  4. Branch : Mizoram Primary School Zirtirtute Branch din tham awmna hmunah chuan Branch an din thei ang.Branch din thar te chuan anmahni Joint/Sub-Headquarter-ah Branch an din thu an report tur a ni.
  5. AIPTF zawm thu : Mizoram Primary Teachers’ Association chuan zau zawk a hma lak zel theih nan All India Primary Teachers’ Federation (AIPTF) a zawm a. Kumtin Annual Fee pawh MPTA General Headquarters sum atangina pe thin ang. Committee leh Seminar-ah pawh a theih ang angin a tel anga, a tul dan ang zela aiawh neiin MPTA chuan hma  a la ang.

 

 

BUNG III-NA

MEMBER NIH DAN

         

  1. Member ni thei te : Mizoram chhunga Recognised Primary School-a Zirtirtu thawk lai zawng zawng Mizoram Primary Teachers’ Association thil tum leh inkaihhruaina anga awm inhuam apiangte chu Membership Fee pe-in member an ni thei ang.
  2. Member insawn : Mizoram Primary Teachers’ Association member tupawh hmun dangah insawn sela, an Branch-in anmahni Joint/Sub-Headquarters-ah an hriattir tur a ni. Hmun dangah(a awmna hmasaah) Fund a lo pek tawh chuan Peknawn a ngai ovang, awmna hmasa Joint/Sub-headquarters hruaitute’n a insawnna Joint/Sub-Hqrs-ah a hriattir ang.
  3. Fund/Fee :
  1. Membership Fee : Membership Fee hi Rs.10/- a ni anga, Councillor Session-in tul a tih angin a tidanglam thei ang.
  2. Annual Fund : MPTA member ni tawh phawt chuan kum tin Annual Fund a pe thin ang. Annual Fund hian hengte hi a huam ang:-
  1. Inralna : Inralna zat tur chu Councillor Session-in a rel thin ang.
  2. Pension thlakna : Member pension thlahna tur zat hi Councillor Session-in tha a tih angin a rel thin ang.
  1. Special Fund : Tul bik thilah chuan General Headquarters in Special Fund a khawn thei ang. Joint/Sub-Headquarters pawhin General Headquarters remtihna leh hriatpuinain anmahni bial chhungah Special Fund a khawn thei ang.
  2. Fund pek dan tur : Fund pek tur zat chu Councillor Session-in a rel thin ang. Joint/Sub-Headquarters in an huam chhung theuhvah Councillor Session-in a rel angin an khawn anga, General Headquarters-ah a pelut thin ang.

 

 

BUNG IV-NA

MEMBER THI, PENSION LEH AWARD DAWNGTUTE

 

  1. Member thi : MPTA member thi an awm chuan a awmna Joint/Sub-Headquarters hruaituten Fund a pek dan an endik ang a, ral theih tur ani h chuan Councillor Session-in inralna tur a tuk zatin ral a ni ang. Khawpui chhung ami a nih chuan a ruang chunga thu sawitu tur chu General Headquarters/Joint Headquarters hruaitute leh Sub-Headquarters hruaitute inrawnin an ruat thin ang.
  2. Pension : MPTA member Pension an awm chuan a awmna Sub-headquarters hruaituten Fund a pek dan an endik ang a, thlah theih tur anih chuan Councillor Session-in thlahna tur a bituk zatin thlah a ni ang. A thah chungchangah a awmna Joint/Sub-Headquarters in mawh a phur ang.
  3. Award dawngte : MPTA member National/State Award dawng an awm chuan chawimawi thin nise. A chawimawi dan tur chu General Headquarters Executive Committee-in tha atih angin a rel thin ang.

 

 

BUNG V-NA

MEMBER ATANGA BAN THEIHNA

 

Member tupawh : -

  1. Hre reng chunga he Constitution emaw, MPTA kalphung duh lova, thurualpui theih loh mi leh dan bawhchhia te
  2. MPTA chhiatna tur leh mualpho zawnga thi ti thin mite.
  3. Ziiak ngeia banna thehlut te.

 

  • Danbu, bung V-na sawi anga dan bawhchhia an awm chuan Branch/Sub/Joint/General Headquarters hruaitute’n General Headquarters-ah an thlen ang. General Headquarters Executive Committee in tul atih chuan Councillor Session-ah a thlen ang a, Councillor Session-in tha tih angin thutawp a siam ang.

 

BUNG VI-NA

PAWL HRUAITUTE LEH AN DINHMUN

  1. General Headquarters : General Headquarters chuan hetiangin hruaitu, Post tinah pakhat zel a nei ang :

1)President                                                 2)Vice President

3)General Secretary                                  4)Joint Secretary

5)Sec.i/c Organisation                              6)Sec.i/c Info & Publicity

7)Treasurer                                                8)Fin.Secretary

 

  1. Joint/Sub-Headquarters : Joint/Sub-Headquarters chuan hetiangin hruaitu, Post tinah pakhat zel a nei ang : -

1)President                                                 2)Vice President

3)General Secretary                                  4)Joint Secretary

5)Sec.i/c Organisation                              6)Sec.i/c Info & Publicity

7)Treasurer                                                8)Fin.Secretary

 

  1. Branch : Branch chuan hetiangin hruaitu, Post tinah pakhat zel a nei ang : -

1)President                                                 2)Vice President

3)Secretary                                                 4)Assistant Secretary

5)Treasurer                                                 6)Fin.Secretary

 

 

  1. HRUAITU (OFFICE BEARERS) DINHMUN
  1. President : Pawl hruaitu ber a ni a, Thawhpuite a huikhawm thiam tur a ni. Executive Committe-ah leh pawl hminga thil tihnaah reng reng hruaitu a ni zel ang.   

Thil tul hmanhmawh bik tak a nih loh chuan a thawhpui, Office Bearer te berawn lovin Association hming engmah a ti tur a ni lo.

Association chhunga thil awmdan thu haw lam leh kal lam a hre vek tur ani a, hriatpui lohvin tuman Association hmingin thil an ti tur a ni lo.

  1. Vice President : President dawltu a ni a, President awm lohvin emaw President-in a aiawh tura a ruatin emaw a ai a awh thin ang.
  2. General Secretary/Secretary : MPTA Pisa kengkawhtu ber a ni a, a fel leh fellohah pawl chakna leh chak lohna a innghah tlat avangin a dinhmun hi a pawimawh em em a ni.

Lehkhabu lut leh chhuak te, pawl thil Record bu hrang hrang te fel taka chhinchhiahin a vawng ang. Midangte a thawhpui thiamin Secretary dangte hnathawh a enpuiin a hriatpui ang a, Association pumpui thil awmdan a hre vek ang.

  1. Joint Secretary : General Secretary nen an thawk dun ang a, Minute ziak leh MPTA hminga thil tihna pawimawh te lo chhinchhiah thintu a ni ang.
  2. Secretary i/c Organization   : MPTA chhunga thawhhona tha tak neihna tur kawngah thawktu leh hmalatu ber a ni. Member-mipa leh hmeichhe zat te fel taka ziakin a vawng ang. Joint/Sub-Headquarters a Statistician te chuan an huam chhunga member hming leh an thawhna Sikul fel taka ziakin an vawng ang a, a copy chu General Headquarters-ah an pe ang.
  3. Secretary i/c Info. & Publicity : MPTA member te tibengvartu leh thuikhawmtu ber pakhat a ni. Member te hriat atana pawimawh te lakhawmin a tul ang zela puangzartu a ni.
  4. Treasurer : Pawl sum zawng zawng him taka vawngtu a ni.
  5. Finance Secretary : MPTA sum ziaktu a ni a, Pawl sum lut leh chhuak zawng zawng fel takin a chhinchhiah ang. Fund pek dan chungchanga member te hriat tur pawimawh hriattir thintu a ni.

 

 

BUNG VII-NA

PAWL HRUAITU THLAN DAN LEH CHARGE INHLAN

 

  1. Headquarters hruaitu thlan dan :
  1. Headquarters Office Bearer-ah seat khat tal hmeichhe tana dah tur a ni.
  2. Inthlanna a awm dawn chuan inthlan hmain thla khat tal hriattirna siam tur a ni.
  3. General Headquarters Office Bearer te hi Councillor Session-in kum hning chhung atan a thlang ang.
  4. Inthlan hun leh inthlanna hmun tur chu General Headquarters Executive meeting-in a rel thin ang.
  5. Inthlanna chu Secret ballot-in, a mal mal (post by post) in emaw Office Bearer tur zat vawi khatah a hlawmin emaw thlan tur a ni ang. Vote hmu sang apiangte chu tlinga puan tur a ni. Post by Post-a thlan a nihin vote hmusang inang an awm chuan vote hmu sang inang te atanga thlan that leh tur a ni ang. Hruaitu turte hi a hlawma thlan a nih chuan thlan tlinte chuan an nihna (post) tur chu insiam reimin an invuah ang.
  6. Nomination : Hruaitu thlan turte chu Headquarters Executive Committee-in tul a tih chuan Nomination a siam thei ang. Nomination siam anih chuan a thlan tur let siam tur a ni. Tun an tih chuan Election Floor atangin mipuiin 3 (pathum) an ruat belh thei ang.
  7. Inthlanpuitu : General Headquarters Executive Committee-in Returning Officer leh Polling Officer tul a tih angin, MPTA member ni lo a ruat thin ang. Returning Officer thu chu thu tawp a ni ang a, rorelna (Court)- ah khin theih a ni lovang.
  8. Officer Bearer hmunruak : Hun laklawhah Officer Bearer hmunruak a awm chuan General Headquarters Executive Committee-in a aiawh tur a ruat ang. Office Bearer tur chu Executive member atang ngeia ruat tur a ni.
  9. Charge inhlan : Inthlan atanga ni sarih chhungin hruaitu hlui leh tharte’n charge an inhlan tur a ni.

 

  1. Joint/Sub-headquarters hruaitu thlan dan :
  1. Joint/Sub-Headquarters Office Bearer-ah hmeichhe tan Seat khat tal dah tur ani.
  2. Inthlanna a awm dawn chuan inthlan hmain thla khat tal hriattirna siam tur a ni.
  3. Joint/Sub-Headquarters Office Bearer te hi kum hnih chhuang atan thlan an ni ang.
  4. Inthlan hun leh inthlanna hmun tur chu Joint/Sub-Headquarters Executive Committee-in a rel thin ang.
  5. Inthlanna chu Secret ballot-in, a mal mal (post by post) in emaw Office Bearer tur zat vawi khatah a hlawmin emaw than tur a ni ang. Vote hmu sang apiangte chu tlinga puan tur a ni. Post by Post-a thlan a nihin vote hmusang in ang an awm chuan vote hmu sang inang te atang thlan that leh tur a ni ang. Hruaitu turte hi a hlawma thlan a nih chuan thlan tlinte chuan an nihna (post) tur chu insiam remin an invuah ang.
  6. Nomination : Hruaitu thlan turte chu Joint/Sub-Headquarters Executive committee-in tul a tih chuan Nomination a siam thein ang. Nomination siam a nih chuan thlan tur let siam tur a ni. Tul an tih chuan Eleciton Floor atangin mipuiin 3 (pathum) an ruat belh thei ang.
  7. Vote nei thei chin : An huam chhunga MPTA member zawng zawng huap Conference kovin, palai ka zawng zawngin vote an nei ang.
  8. Inthlanpuitu : Joint/Sub-Headquarters Executive Committee-in Returning Officer leh Polling Officer tul a tih angin, an huam chhunga MPTA member ni lo a ruat thin ang. Returning Officer thu chu thutawp a ni anga, rorelna (Court)-ah khin theih a ni lovang.
  9. Officre Bearer Hmunruak : Hun laklawhah Office Bearer hmunruak a awm chuan Joint/Sub-Headquarters Executive Committee-in a aiawh tur a ruat ang. Office Bearer tur chu Executive member atang ngeia ruat tur a ni.
  10. Charge inhlan : Inthlan atanga ni sarih chhungin hruaitu hlui leh tharte’n charge an inhlan ang.
  1. Branch hruaitu than dan :
  1. Branch Office Bearer-ah hmeichhe tan seat khat dah tur  a ni.
  2. Inthlan hmain hriattirna tha taka siam tur a ni.
  3. Branch Office Bearer te hi kum hnih chhung atan thlan an ni ang.
  4. Inthlan hun, inthlanna hmun, leh programme chu Branch Executive Committee in a rel thin ang.
  5. Inthlanna chu Secret Ballot-in, a ma mal (post by post) in emaw Office Bearer tur zat vawi khatah a hlawmin emaw thlan tur a ni ang. Vote hmu sang apiangte chu tlinga puan tur a ni.  Vote hmusang inang an awm chuan vote hmusangte atangin thlan that leh tur a ni. Hruaitu turte hi a hlawma thlan a nih chuan thlan tlinte chuan an nihna (post) tur chu insiam remin an invuah ang.
  6. Nomination : Hruaitu thlan turte chu Branch Executive committee-in tul a tih chuan Nomination a siam thei ang. Nomination siam a nih chuan thlan tur let siam tur a ni.
  7. Vote nei thei chin : An huam chhunga MPTA member, palai kal zawng zawngin vote an nei ang.
  8. Inthlanpuitu : Inthalnuitu atan pawn lam mi sawm nise.
  9. Office Bearer Hmunruak : Hun laklawhah Office Bearer hmunruak a awm chuan Branch Executive Comittee-in a aiawh tur a ruat ang. Office Bearer tur chu Executive member atang ngeia ruat tur a ni.
  10. Charge inhlan : Inthlan atanga ni sarih chhungin hruaitu hlui leh tharte’n charge an inhlan ang.

 

 

 

BUNG VIII - NA

COMMITTEE HRANG HRANG LEH AN MAWHPHURHNA

 

  1. General Conference :
  1. General Conference hi MPTA a thuneitu sang ber a ni.
  2. MPTA member ten inlungrualna leh thawhhona tha kan neih theih nan General Conference hi kum khat danah vawi khat tal, member zawng zawng huapin neih thin tur a ni.
  3. Counsellor Session-in Conference a sawi ho tur (Agenda) chhawpchhuah a neih chuan sawiho a ni ang a, member ten hriat tur tu inhrilhfiahna huna hman thin a ni bawk ang. Rorelna inkhawm hi President in emaw a aiawh tura a ruatin emaw an kaihruai thin ang.

 

  1. Councillor Session Mawhphurhna :
  1. Councillor Session hi General Conference tih lohvah chuan MPTA-a thuneitu sang ber a ni.
  2. General Conference tul a tih hunah a ko thin ang.
  3. General Conference thurel bawhzui te, MPTA hmalakna tur leh kalphung tur duan te, Headquarters Office Bearer thlan chungchang te a hna a ni ang.
  4. Councillor member te :
  1. General Headquarters Office Bearer te leh Executive Committee member te.
  2. Joint/Sub-Headquarters Office Bearer te.
  3. Joint/Sub-Headquarters Executive Committee in an huam chhunga Councillor member tur sawm(10) an thlanchhuah theuh te.
  4. State Women’s Network aiawh mi pahnih.

Councillor member te hi MPTA hruaitu dangte ang bawkin kum hning chhung an tang anga, hun laklawhah hmunruak a awm chuan a ruattute’n a aiawh tu tur an ruat ang.

  1. General Headquarters Executive Committee mawhphurhna :
  1. Tul bik thil ah chuan General Conference a ko thei ang.
  2. General Headquarters Executive Committee hi MPTA kawnga hmalatu ber a ni. Pawl thil tum leh dinchhan te tihlawhtling turin hma a la ang.
  3. General Conference leh Councillor Session thurel a bawhzui ang.
  4. Joint/Sub-Headquarters atanga thil pawimawh lo lutte a lo dawngsawng anga, a tul dan angin hma a la ang.
  5.  A tul dan azirin Special Fund a khawn thei ang.
  6. Tul a tih hunah Councillor Session a ko thin ang.
  7. Sawrkarin MPTA tel vena tur chi a siamah tul a tih chuan aiawh a tir ang.
  8. Headquarters Executive Committee meeting hi thla kahtah vawi khat tal neih thin tur a ni. President leh Gen.Secretary te’n inberawnin an ko thin ang.

Gen. Headquarters Executive Committee Member te :

  1. Gen.Headquarters Office Bearer te.
  2. Gen.Headquarters President leh Secretary te, Committee member te hi a ruattu Term ang, kum hning chhung an tang ang.

Gen.Headquarters Office Bearer te, Office Bearers-in Executive member a ruat te, Joint/Sub-headquarters President leh Secretary te a huhova an thawhnaah leh mawh an phurh tlannaah ‘Gen.Headquarters Executive Committee’ tih a ni ang. Committee Member hmun ruak a awm chuan Executive Committee-in a aiawh tur a ruat ang.

 

  1. A. Joint/Sub-Headquarters Executive Committee mawhphurhna :
  1. Pawl thiltum leh dinchhante ti hlawhtling turin hma a la ang.
  2. A bial chhunga member te hming ziakna register a nei ang a, member te hming kim takina record ang.
  3. General Headquarters Executive Committee-in tihtur a pek te chu tha taka tihlawhtling turin an bawhzui thin ang.
  4. A bial chhungah a tul dan azirin conference a ko thei ang.
  5. Dan Bu-in a sawi angin Councillor member tur a ruat thin ang.
  6. A bial chhunga member thi emaw pension emaw an awma ral/thlah theih chi an nih chuan General Headquarters atanga sum lachhuakin MPTA hmingin ral/thlah thin a ni ang. Ruang chunga thlahna thu sawi pawh an mawhphurhna a ni ang.
  7. A tul dan azirin a bial chhungah Special Fund, General Headquarters remtihnain a khawn thei ang.
  8. Joint/Sub-Headquarters Executive Committee in kum khatah vawi ruk tal neih thin tur a ni. President leh Secretary te’n inberawnin an ko thin ang.

     B. Joint/Sub-Headquarters Executive Committee member te :

  1. Joint/Sub Headquarters Office Bearer te.
  2. Joint/Sub-Headquarters Office Bearer-in Executive member 20 a ruat te.

(Hmeichhia panga 5 tal ruat tur a ni.)

Committee member te hi a ruattu Term ang, kum hnih chhung an tang ang.         

 Joint/Sub-Headquarters Office Bearer te, Office Bearers-in Executive member a ruatte, a huhova an thawhnaah leh mawh an phurh tlannaah ‘Sub/Joint Headquarters Executive Committee’ tih a ni ang.

Committee Member hmun ruak a awm chuan Executive Committee in a aiawh tur a ruat ang.

  1. A. Branch Executive Committee mawhphurhna :
  1. Member te tihchak leh tihphur chu an mawhphurhna a ni. Branch huamchhunga member te thawhhona leh inpumkhatna athat zel theih nan kum khatah vawi khat tal inhmuhkhawmna hun a buatsaih ang.
  2. MPTA kalphung ngaihtuah leh bawhzui ngai nia a hriatte chu an awmna Joint/Sub-Headquarters-ah a thlen ang.
  3. Genera headquarters/Joint/Sub-Headquarters-in tih tura a pek te chu tihlawhtling turin hma a la  thin ang.
  4. A theih anga tam Branch Executive Committee an thu ang.

B. Branch Executive Committee member te :

  1. Branch Office Bearer te.
  2. Branch Office Bearer-in Committee member tul an tih zat an ruat te

Branch Office Bearer leh Committee Member ruat te hi an thawhhonaah ‘Branch Executive Committee’ tih a ni ang. Committee Member te hi a ruattu term ang, kum hning chhung an tang ang. Committee Member hmun ruak a awm chuan Executive Committee-in a aiawh tur a ruat ang.

  1. Rorel thei chin :

      Executive Committee member hmun thuma hmun khat (1/3) an kal chuan rorel thei a ni ang. A maherawh chu Office Bearer pahnih tal an telloh chuan rorel theih a ni lovang.

  1. Office Bearer Meeting :

      Thu hmanhmawh bika ngaihtuah tur te, Executive Committee thurel bawhzui turte-in a tul hun apiangah Office Bearers an thu thin ang. An thurel te chu Executive Committee Meeting hmasa berah report tur a ni. Executive Committee meeting-in a pawmpui chuan a pawmpui thu a ziak ngei tur a ni.

  1. Thurel nun hun chhung :

      MPTA committee reng rengin thu a passed tawh chu, Passed-tu ten emaw Term danga hruaitu ten an paih/tidanglam a nih loh chuan Term dangah pawh hman zui zel tura ngaih a ni ang.

 

 

 

BUNG IX-NA

WOMENT’S NETWORK LEH A MAWHPHURHNA

 

  1. NIHPHUNG : Women’s Network hi MPTA hnuaia Committee peng pakhat niin MPTA member Hmeichhia zawng zawng Women’s Network member an ni nghal ang.
  2. PAWL HMING : MPTA Women’s Network tih a ni ang. Hqrs. Hruaitute chu State Women’s Network tih a ni ang. Joint/Sub-Headquarters hruaitute chuan an huanchhung hmiang an pu nghal ang.
  3. A THIL TUM : Zirtirtu, Hmeichhiahte hmasawnna tur ngaihtuah.
  4. HRUAITU NIHNA : Women’s Network chuan hetiangin hruaitu, Post tinah pakhat zel a nei ang : -
  • Chairman
  • Vice Chairman
  • Secretary
  • Asst. Secretary
  • Treasurer
  • Fin.Secretary
  1. HRUAITU TUR RUAT DAN :
  • STATE COMTT. : MPTA General Headquarters Office Bearer-in State Women’s Network Office Brarer tur a ruat thin ang. Office Bearer te hian an thawhpui tur, Comt. Member 10 an ruat ang.
  • JT/SUB-COMT : MPTA Joint/Sub-Headquarters Office Bearer-in State Committee ruat dan angin Office Bearer tur a ruat hin ang. Office Bearer te chuan an thawhpui tur, Committee member 6 an ruat ang.
  1. EX-OFFIXIO :
  • State Committee-ah MPTA General Headquarters President leh General Secretary.
  • Joint/Sub-Headquarters-ah MPTA Joint/Sub-Headquarters President leh Secretary.
  1. TERM :

MPTA hruaitu Term ang zel a kal tur a ni ang.

  1. SUM CHUNGCHANG :

MPTA Gen.Headquarters/Joint/Sub-Hedquarters remtihna zelin MPTA sum a hmang thei ang.

  1. MPTA Woment’s Network hian hmeichhiate hamthatna tur lam chi reng rengah hma a la thei anga, mahse MPTA Genral Headquarters Joint/Sub-headquarters hruaitute remtihpui a ni zel tur a ni.
  2. MPTA Women’s Network hian inkaihhruaina dan fel tak a nei anga. He kaihhruaina dan hi MPTA General Headquarters Executive Committee remtihna in siam that theih a ni ang.

 

 

 

BUNG X-NA

FINANCIAL RULES

 

  1. MPTA sum chu Finance Secretary kutah a lut hmasa ang a, Receipt bu-ah a dawng ang. Account bu-ah a ziah fel hnuin Treasurer hnenah a hlan ang a, Receipt-in a lo dawn gang.
  2. MPTA Fund khawn hun tur leh khawn zat tur chu Councillor Session-in a rel thin ang a, Joint/Sub-Headquarters leh Branch ten an huam chhungah an lakhawm thin ang.
  3. MPTA chuan January atanga December hi pawisa kum ah a hmang ang. Hemi chhung hian Fund pek tur chu Gen. Headquarters-ah pekluh kim vek thin tur a ni. Khawn kim veleh pekluh nghal tur a ni.
  4. Joint/Sub-Headquarters leh Branch-a Secretary i/c Finance chuan Fund petute hming leh an pek zat ziakna bu a nei ngei tur a ni. Associaiton tana Fund khawn, hun tiam chhunga pe lote chu ral emaw thlah theih a ni lovang.
  5. Thil hmanhmawh leh tul bikah chuan President-in Rs. 1000/- thlenga hman theihna a nei ang. Dan ang thlapin, Treasurer kut atangin a la chhuak tur a ni.
  6. MPTA sum hmanna reng rengah hmanral a ni ngei tih hriatna (voucher) a tel ngei tur a ni.
  7. MPTA sum hi tibo emaw, hmang diklo emaw a chuan rul leh ngei tur a ni.
  8. MPTA sum hi kumtin vawi khat endik tur a ni. Executive Committee-in endiktu (Auditor) a ruat ang a, awm a tih tawk lawman a pe thin ang.
  9. Receipt bu leh Voucher te hi Audit hnua Executive Committee-in a pawm hma chu tihral tur a ni lo.
  10. MPTA sum reng reng puk phal a ni lo.
  11. Gen. Headquarters leh Joint/Sub-Headquarters te chuan MPTA sum hi Bank-ah dah ngei tur a ni. Secretary i/c Finance leh Treasurer-in Pass Book intawmin (Joint Operation-in) an dah tur a ni. Treasurer-in Rs. 5,000/- aia tam kutah a kawl tur a ni lo.
  12. Association aiawha zin tulna a awmin, a zinte hnenah sum neih dan azirin TA/DA pek theih a ni ang a, Gen. Headquarters Executive Committee-in a rel thin ang.

 

 

 

BUNG XI-NA

PAWL CHHUNG THUBUAI

 

  1. Branch thubuai :

MPTA Branch-ah inremlohna leh hruaitute karah buaina a awm chuan, a awmna Joint/Sub-Headquarters Executive Committee-in a rel ang. Thu harsa bik a awm chuan General Headquarters Executive Committee-ah a thlen ang a, General Headquarters Executive Committee-in thu tawp a siam ang a, sawibuai theih a ni tawh lovang.

  1. Joint/Sub-Headquarters thubuai :

MPTA Joint/Sub-Headquarters-ah thubuai a awm chuan General Headquarters Executive Committee-in a rel ang. A rel fel theihloh chuan Councillor Session rel turin a thlen ang a, Councillor Session chuan thutawp a siam ang a, hmun dangah sawi buai leh theih a ni lovang.

  1. Gen. Headquarters thubuai :

General Headquarters-ah buaina a awm chuan Councillor Session-in a rel ang a, a thu chu thu tawp a ni ang.

  1. Thubuai dang :
  1. MPTA leh pawl dang emaw, mimal karah emaw buaina a awm chuan MPTA aiawhin President emaw a aiawh emaw a ding ang.
  2. MPTA chhungkaw buaina chu rorelna (Court)-ah thlen tur a ni lo.
  3. MPTA hi a ding thei ta lo (tihtawp) a nih chuan Government of Mizoram, School Education Department-in a ro hi a khawm ang.

 

 

 

BUNG XII-NA

DAN SIAMTHAT CHUNGCHANG

 

  1. MPTA Danpui (Constitution) hi a trul ang zeal siamthat (Amend) theih a ni.
  2. Dan siamthat rawtna hi Joint/Sub-Headquarters leh Branch te pawhin General Headquarters-ah an thlen thei ang. General Headquarters Executive Committee-in tha a tih chuan Councillor Session-ah a thlen ang a, Councillor Member (Palai kal) hmun thuma thena hmun hnihin rem an tih chuan tihdanglam theih a ni ang.
  3. Siamthat a nih chuan Councillor Session zawh ni atanga hman nghal tur a ni ang.