MIZORAM PRIMARY TEACHERS ASSOCIATION IN FUIH THARNA

 

A HUAM TUR CHIN :
 

       1.  Discipline.

       2.  Class zirtirna  ngawrh leh zual.

       3.  Naupangte dinhmun hriat chian

       4.  English zir uar.

       5.  Service conduct  Rule

       6.  Enrollment.

 

HMALAKDAN TUR(Action Plan ):

 

1.       Mizoram mipui hriat turin  Infuih tharna programme hawnna hi buatsaih nise,  Mizoram Education Minister chu he Programme hawng tur hian  beisei a ni. Guest of Honour atan Director of School Education chu sawm tur a ni ang. A hawnna hun atan Dt 11th September 2015 ruat a ni. He hunah hian Aizawl East, West leh South Sub Headquarters huam chin Primary School a thawk zirtirtu, SSA Teacher zawng zawng te leh DIET Aizawl a In Service Training lai zawng zawng te tel vek thei turin Department lamah dil tur a ni.

 

2.       Aizawla a hawnna Programme hman zawh hnuah hun remchan dan ang zel in  hmun hrang hrang- Districts /Sub-Divisions etc huam chhunga zirtirtu zawng zawng te huapin, nikhat Programme siam a hun hman zui tur a ni ang a, MPTA Headquarter atangin he hun hmanpui tur te inruat tur a ni. Hemi hnu hian Sub/ Joint Headquarters  in huam zim zawkin,  remchang leh tha  a tih angin hmasawnna tur zawngin programme hi bawhzui  tur a ni ang.

 

3        He Programme hmangtu zirtirtu zawng zawng te attendance with signature record hi kim taka lak tur a ni ang.

 

4        Govt Primary school zirna leh enrollment tlakhniamna chhan sawi ho a, tuna Sawrkar sikul dinhmun atanga hmasawn tura zirtirtuten an tih theih te zir chiangin hman zui nghal nise la,  rawtna te pawh a tul angin  thlen nise.

 

5.       Zirtirtu inthlahdah leh hna ngaipawimawh lo te tanlak tir theih dan tur chung chang te sawiho tur a ni.

 

6.       Syllabus chhung a harsatna hrang hrang neih te sawi ho nise. Tin, Evaluation kal hmang her danglam ngai lai te a awm chuan sawiho in a tul angin rawtna siam bawk tur a ni ang.

                               

 

 

                        ZIRTIRTUTE TANLAKNA TUR

                                                                                                                                                                                                                                                                         

          THUHMAHRUAI:  Sawrkarin Zirlaibu thar a buatsaih a, zir dan thara zirna kal pui a nih avangin  Zirtirtute tan \anlak thar a \ul hle a ni. |an lakna chang kan hriat loh a  sikul leh  zirna in a tuar a nih chuan Sawrkar sikul hi a hniam zel dawn a,  Zirtirtute hian a mawh kan phur a ni tih kan hriat a \ha hle. He hun hmanna  tura inkaihhruai nan leh bul \an nan  thil \henkhat kan tarlang  hmasaah ngai ila, thu a lo rum palh deuh anih pawhin \hahnemngaihna thil a ni tih hre chunga dawnsawn thiam  nise a \ha ang e. Zirna chung changah Primary sikul zirtirtute tan hian hun thar leh hun pawimawh  bik  (Transitional period)  a ding kan nih avangin  he hun pawh hi buatsaih a ni.

 

1.     Fiahna hunah Sawrkar Sikul zirtirtute hi an ding mek:  Zirlaibu siam thar a ni a. Zir dan thar, tih dan thar hmangin naupang zirtir a ngai ta. Zirtirtu te tih \hin dan pangngai \henkhat chu thlak   ngai a awm ngei ang, zirtirtu lo inbuatsaih \hin dan te pawh zir dan thar mil thei tur zawnga thlak  ngai a awm ang.  Thil thlir dan thlenga in siam rem deuh te pawh a \ul ta a ni.  Tin, mahni a in dapchawp  thiam te pawh a \ul dawn a ni. Sawrkar sikul zirtirtu te chu he fiahna hun pal tlang thei tur hian inbuatsaih \heuh tur a ni.

 

2.     Thawkho  tanrual a pawimawh:  Chhungkua ah nupa an  lungrual dan chu  a chhe zawng leh a \ha zawngin an fate ah nghawng a nei \hin ang hian, Sikul pawh hi a thawktu te  \anrual leh rual loh chu naupangah a lang chhuak \hin. Kumtin naupang nei tlem tial tial leh naupang nei tam tial tial sikul  awmzia ber chu sikul pakhata thawkho te \anrual leh rual lohvah  a innghat a ni. Zirtirtu \henkhatin  theih tawp chhuah a, taima tak a an thawh laiin \henkhat chu nawr kal reng ngai te pawh an awm nual mai. Pahnih khat inthlahdah vang hian sikul naupangin nasa takin an tuar thei a ni.

 

 

3.     Discipline : Hun vawn dik a \ul. Hnathawh hun chhung tur darkar hi hnathawhna hmunah awm tling tlak ngei tur a ni. Ban hma tum deuh reng mai zirtirtu te hian an thawhpuite rilru an ti na a, thawhhona boruak pawh an ti chhe \hin. Hei hi zirtirtu zawng zawng te invenna tur a ni. Discipline \ha hi nu leh pa in an ngai sang a, an fate sikul luhna hmun a tan pawh an duh ber zel. Hun vawn dik kawngah hian Zirtirtute chu  mahni inthunun tur a ni.

 

 

Tihtur hlen ngei a ngai. Home work reng reng mumal taka enfiah tur, Nu leh pa signature  pawh beisei tur a ni. Zirtirtu tam takin  hei hi an chhut zui \hat peih loh vangin naupang an inthlahdah tial tial a; “Nu leh pa ten  an fa te zirna an ngaihsak \ha lo,” tih sawi rik fo na chhan pawh hei  hi a bul a ni duh hle.

 

Uniformah \anlak tur : Uniform hi  hautak lo, mumal tak si a naupang te inthuam tir dan ngaihtuah thiam a ngai. Uniform  mumal lo leh fai \ha lo hi nu leh pa ten an fa te kalna school a tan an ngaisang ngai lo. Tin, naupang pawhin phurna  an nei thei lova, sikul dang nen  intehna rilru an put reng \hin avangin insitna rilru an neih phah thei bawk. Sikul Uniform chung chang ah \anlak thiam a \ul  hle a ni.

 

 

4.     Service Conduct Rule : Hei hi ngaih pawimawh tur a ni. Sawrkar hnathawk tan Sorkar  sawisel  leh Sawrkarin  Flagship Programme a neih sawisel  te  hi chin loh tur a ni. Rights and Duties bakah Responsilities ngaih pawimawhna chang hriat a tul khawp mai.

 

 

5.      Nu leh Pa ngaihhlut / ngaih san te ngaih pawimawh tur: English ngaihsan  avangin nu leh pa tam takin harsa chung chungin an fate Private English Medium School-ah an kal tir hram thin, Mizo pawnto hla: “ Tlanga lal lal herawtah, herhawt lal herawtah” tih aiah “London Bridge is falling down” tih ngaih sanna khawvelah kan cheng ta, chuvangin English hi theih ang tawkin sikulah hian uar a \ul a ni. Mizotawng thiam tak English thiam bawk tura naupang zirtir an ngai leh zual ta.

 (1)

 

6.     Zirtirtute intuai thar a ngai: Tunlai nunphung hre pha ve zel turin zirtirtu te hi intuai thar reng tur a ni. “Tunlai thil thar zel hi kan hrethiam pha ve tawh lo” ti a mahni thiam in chan tir hi zirtirtu tan tih loh tur a ni. Mahni inring tawk taka thawh theih a \ul. Inthlah dulna lakah mahni leh mahni inven a ngai bawk. Thil thar zel hmachhawn thei turin in zir thar ve zel hi thil pawimawh leh tul a ni.  Thatchhiat leh in thlah dul laklawh  anih chuan \an mar leh hi a harsa em em. Hei hi Sikul hmasawn lohna bulpui ber a ni fo. Zirtirtuten taimak chhuah leh zual a ngai a ni.

 

7.     Naupang zingah zirtirtu awm tam tur: Nu leh pa ten  zirtirtu te ring tawkin sikulah an fa te an kal tir a; an chhiat an \hatah zirtirtu ten a mawh an phur a ni.  Naupang sikul \hulh te hi an \hulh chhan hriat ngei tum tur. Tin, Naupang te an Chawlh-lawk (Break)  chhungin Office ah zirtirtuten  awm bo san reng loh tur. Hnathawh leh Games hunah pawh naupangte zingah zirtirtu te hi an awm ngei tur a ni. Tin, School Gate a naupang te lo hmuah (welcome) hi a pawimawh khawp mai. Hei hi Sawrkar sikul zirtirtu te tlak chham, \anlak tharna tur pawimawh, harsa si lo, langsar hmasa tur  chu a ni ngei mai.

 

 

8.     awngkam fimkhur tur: Nu leh paten beisei neiin an fate Sikulah an rawn dah a, “In fapa/ fanu hi a thiam lo lutuk, a zirlai hi in enpui \ha lo a ni ang, in lamah lo \ang deuh teh u” ti zawngin nu leh pa hi hrilh loh tur. Zirna kawngah an fate an chak lo a ni tih an hriat rualin an rilruah zirtirtute an dem tel tih hi  hriatreng tur a ni. “Nu leh pa te nen \an ho a ngai” tiin, \anrual puiah sawm thiam hi a fin thlak zawk. Naupang thiam thei leh rilru chak deuh te phei chu an nu leh pa hriata fak hi fuihna \ha a tling. Pawn lam thlenga min \antu \ha tak  ni tura siam thiam an \ul.

 

9.     Chhuanlam zawn hman a ni  lo  “ Kan Sawrkar vang a ni, In daih lo reng renga ni len reng mai; ngaihthah kan ni, nu leh pa te hian an fate an ngaihsak lo em a lawm. Kan naupang kawl te quality hi a hniam hrim hrim”  heng rilru hian inthlahdahna leh tui lohna  min siam sak fo. “Engtin nge sikul naupang kan neih tam theih anga tun dinhmun atang hian eng ti zawngin nge kan zirnain hma a sawn theih ang? Engnge zirtirtuin tih theih kan neih”? tiin mahni leh mahni infuih tur a ni. Chhuanlam leh mi dang demna rilru put hman a ni lo. Chhuanlam hi zawn chuan a awm zel \hin a, vuihmuipu chunga hnathawh hi a sawt lova, a tui theih hek loh. Midang demna  leh chhuanlam dap hian mi a siam \ha  lo. Keimah hi ka pawimawh a ni tih rilru pu chungin tuna kan dinhmun ang ang a\ang  hian  hmasawn turin \an lak thar theuh i tum ang.

 

Kan nitin hnathawhna  sikul hi nu leh pa te hian an fate dahna tlakah an  ngai reng em tih leh nu leh pa te hian an khawsak harsat vang leh hmun dang a awm ngang loh vanga kal tir mai chauh an ni zawk mai em? tih te hi kan chhut a tha awm e. A tlangpuiin chhungkaw khawsak harsa zirlai naupangte enkawl tu chu Sawrkar zirtirtu te kan ni ber. Khawtlang leh pawl hrang hrangah a kul ataia tang mi rintlak tak tak kan awmin a rinawm; chutih laiin Pension thlenga ho tur naupang nei lo zirtirtu nih pawh hmun \henkhatah chuan a hlauhawm ta rum rum mai. Naupang tlem vangin sikul \henkhatah Amalgamation  kal pui loh theih lohna te a awm ta nual; hetiang hi thleng zel thei a ni tih ngaihtuah  chunga \an kan lak \heuh a pawimawh hle a ni. Zirtirtu \hahnem ngai em em, taima taka thawk tam tak an awm mek lai hian  hna a kan  inpek dan erawhchu a rual lo deuh niin a lang a, kan za vaia \anrual hi a tul a ni.  Private leh  Sawrkar sikul naupang te hian  zirlaibu in ang an zir tlang a ni a, Engnge kan an zel dawn le. Teaching Experience nei \ha leh Trained Teacher te hi fiahin kan awm mek a ni. Tih takzet leh in pekna thuk zawk nen kan hna hi  thawh theuh i tum ang u.//

 

 

 

NGAIHTUAH ZUI ATAN:

 

1.   Midangten i chungah rinna an nghah ngamna  tur khawpin zirtirna hna hi   

      thawkin i in hria em?

2.  Thil thar zel hrethiam phak tur leh mahni inring tawk a  thawk thei tur     

      khawpin i inbuatsaih em?

3.   I naupang te zirna hmasawnna tur hian i tih theih tawk hlen chhuah puiin i in  

      hria em?

4.  Tuna i thawh dan atanga hmasawn tur hian  tih theih dang la  neiin i in hria  

      em?

5.  Midang en lovin mahni in enfiah teh. I hlawh ang hlawh pe  in  hlawhfa ruai

     la, i thawh angin thawk  sela, i lungawi em ?

 

.

       P/S ZIRTIRTUTE DINHMUN LANGSAR ZUAL TE:

  (Pawn lam mi atanga Govt Primary Zirtirtute an hmuh dan \henkhat)

 

1.    Nitin routine  pangngai  ngawt a hnathawk an tam.  Hmalam thlirna nei

       an tlem a, intuaitharna rilru pu an tam lo.

2.    Beisei ang enkawlna leh mamawh  hmu tawk lo  ni a  inhria,  rilru hnual

       chunga thawk an \hahnem.

3.   |awngka a naupang hmangaih, hmasawnna tak tak nei tur khawp a hmanrua  

       nena  naupang zirtir peih erawhchu an tam lo.

4     Punctuality ngai pawimawh lo engemawzat an awm, an inthlahdah.

5     Class in daih  khawp zirtirtu awm lo sikul an tam, naupang thiamna beisei san tur an awm lo a, innghahna tlak an ni lo.

6.    Nu leh pa hip tur zawnga hmala thiam  an tlem a, hetiang hi a nih reng chuan Sorkar sikul Enrollment hi chu a tlem tial tialin a rinawm. //

 

 Issue by Mizoram Primary Teachers Association Headquarter.

 

 

 

 

Author
R. Lalsangliana